سفر رئیس تشکیل وزارت معارف به ولایت تخار

محترم مفتی عبدالحلیم حلیمی، رئیس تشکیل وزارت معارف که در یک سفر کاری به ولایت تخار عزیمت کرده، با محترم مولوی محمد اسماعیل ابو احمد، رئیس معارف آن ولایت دیدار و گفتگو نمود.
رئیس تشکیل وزارت معارف هدف از سفر خویش به آن ولایت را متوازن سازی تشکیل مکاتب و مدارس عنوان کرده و اذعان داشت که تشکیل وزارت معارف در سطح تمام ولایات کشور باید متوازن شود.
وی افزود که به منظور جلوگیری از تورم تشکیلاتی، بست‌های استادان و معلمان باید مطابق به نیازمندی مکاتب و مدارس دینی اعیار شود.
در ادامه ریئس معارف ولایت تخار، ضمن خوش آمدید مهمانان به ولایت تخار، پیرامون وضعیت تعلیم وتربیه و تشکیل موجوده معارف ولایت یاد شده روشنی انداخته از ابتکار وزارت معارف به خاطر متوازن سازی تشکیل اظهار سپاسگزاری کرد.