د ننګرهار ولایت په تودو سیمو کې نوی ښوونیز کال پېل شو

media-moe
چهارشنبه ۱۳۹۸/۶/۲۰ - ۱۲:۵۹
د ننګرهار ولایت په تودو سیمو کې نوی ښوونیز کال پېل شو

پوهنې وزارت_ننګرهار: دننګرهار ولایت په ټودو سیمو کې نوي ښوونیز کال د ښوونځي د زنګ په ګړنکولو سره پیل شو.
په هغه په مراسمو کې چې له همدې امله د جلال اباد ښار د چکنوریو په لېسه کې جوړ شوي و د پوهنې رئیس حسیب الله شینواري په تودو سیمو کې د نوي ښوونیز کال د پیل له امله د مبارکۍ ترڅنګ په تیر یوه کال کې د پوهنیز بهیر پر لاسته راوړنو، ننګونو او ستونزو خبرې وکړې ویې ویل سره له دې چې تیر کال له امنیتي پلوه له ستونزو او مشکلاتو ډک کال و، خو پوهنې ریاست د کارمندانو د زيار، د ښه مدیریت او ټولو همکارانو د همغږۍ له امله لاسته راوړنې هم لرلې.
هغه وویل په تېرکال کې دنجونو زده کړو ته ځانګړې پام شوی او د لومړي ځل لپاره په لرې پرتو او نا امنه سیمو کې ښځینه قرار دادي ښوونکې پر دندو وګومارل شوې او همدارنګه د نجونو د ښوونځیو بیا رغاونې او ستونزو هواري ته لومړیتوب ورکړل شوی دی .
پوهنې ریس وویل دا لومړی ځل دی چې په ننګرهار ولایت کې دیو کال په موده کې د ۲۰۸ بابه ښوونځیو لپاره د ودانیو جوړولو کار پیل شوی، چې دروان کال تر پایه به دا شمیر ودانۍ ګټې اخیستنې ته وسپارل شي.
ښاغلي شینواری زیاته کړه په معارف کې د ولس راګډول د تیر کال بله لاسته راوړنه وه چې له دې لارې مو معارف ته ځمکو په ګډون ډیرې مرستې راټولې کړې.پوهنې ریس په ښوونځیو کې د کتابونو کمښت، په ځینو سیمو کې نا امنۍ، دښوونکو، ودانیو، احاطو، څښاک اوبو او نورو ممدو درسي موادو کمښت، دهغه ستونزو په توګه یاد کړل چې معارف ورسره مخامخ دی خو ډاډ یې ورکړ چې په دې وروستیو کې پوهنې وزارت خواوشاه دولس نیم ملیونه کتابونه چاپ کړي چې ډیر زر به دننګرهار سهم راورسیږي او دوې به یې ښوونځیو ته ولیږي.
د ننګرهار والي شاه محمود میاخیل د نوي ښوونیز کال د مبارکۍ ورکولو سربېره په خپلو خبرو کې دننګرهار پوهنې ریس او مشرتابه نه په معارف کې د ډیرو پر مختګونو له امله مننه وکړه
. ننګرهار والي وویل بی له شکه چې تېر کال له امنیتي پلوه ستونزی موجودې وې چې خوشبختانه د امنیتی ځواکونو د عملياتو په نتيجه کې ډيرې ولسوالۍ تصفيه شوي او بند ښوونځي پرانيستل شول، نوموړي هم د ښوونکو کمښت او د کافي بودجې نه شتون د یوې ستونزی په توګه یاد کړل خو پر شتمنو یې غږ وکړ چې د خپل معارف ترشاه ودریږي او دښوونکو دکمښت او نورو اړتیاو په پوره کولو کې معارف ته اوږه ورکړي.
شاه محمود میاخیل له خلکو وغوښتل که پر خپلو اولادونو سمه پانګونه وکړئ نو پایله به هم سمه وي.
غونډه دبي بي زینب او چکنوریو لېسو زده کوونکو د په زړه پورو ترانو په ویلو او د ښوونځیو دپېل زنګ په کړنګولو سره پایته ورسیده .
د یاده ولو وړ ده ، چې دننګرهار ولایت په تودو سیمو کې ۶۲۶ ښوونځیو موجودي دي، چې په دغو ښوونځیو کې ۶۱۰۷۹۰ تنه زده کوونکي چې ۲۲۱۱۹۹ تنه یې نجونې دي پر زده کړو بوخت دي چې درسي بهیر یې د ۱۷۶۹ میرمنو په ګډون د ۱۱۶۶۵ تنو ښوونکو له لورې پر مخ بیول کیږي.

تازه ترین اخبار

پنجشنبه ۱۳۹۸/۶/۲۱ - ۱۷:۹
Background image

توزیع کتاب های درسی به ولایات گرمسیر

بتاسی از هدایت داکتر محمد میرویس بلخی سرپرست وزارت معارف مبنی بر توزیع عاجل کتاب های درسی به ولایات به ویژه ولایت های گرمسیر کشور، اینک محموله های کتاب های درسی شامل کاروان های کتاب به. . .

چهارشنبه ۱۳۹۸/۶/۲۰ - ۱۲:۵۶
Background image

برگزاری مراسم "زنگ مکتب" و آغاز سال تعلیمی جدید در ولایت فراه

وزارت معارف_فراه: به مناسبت آغاز سال تعلیمی جدید مناطق گرم سیر، ریاست معارف ولایت فراه محفلی را به اشتراک محمد شعیب "ثابت"والی ولایت فراه، عبدالستار"حسینی"وکیل مردم در پارلمان، خیر محمد. . .

دوشنبه ۱۳۹۸/۶/۱۸ - ۱۲:۵۶
Background image

پیام جلالتماب دکتر محمد میرویس بلخی سرپرست وزارت معارف به مناسبت هجدهمین سالیاد شهادت احمدشاه مسعود" قهرمان ملی کشور" و هفته شهید.

درود بی پایان نثارِ روح پر فُتوح قهرمان ملی کشور " شهید احمدشاه مسعود" ، شهدای معارف و سایر شهدای راه حق و آزادی.

هجدهمین سالیاد شهادت اسطوره جهاد و مقاومت افغانستان ، سپه سالار آزادی. . .

بازگشت به اخبار