د ننگرهار بټي کوټ ولسوالۍ د پوهنې امریت د ودانۍ جوړولو چارې پېل شوې
د پوهنې وزارت_ننګرهار: د ننګرهار ولایت د بټي کوټ ولسوالۍ د پوهنې امریت د ودانۍ دبنسټ ډبره د یولړ مراسمو په ترڅ کې کېښودل شوه.
په همدې موخه په یاده ولسوالۍ کې په جوړ شویو مراسمو کې د پوهنې ریس حسیب الله شینواري په خپلو خبرو کې دبټي کوټ ولسونو ته ددې ودانې د جوړولو د چارو د پېل له امله مبارکۍ وویله او ددغه ولسوالۍ له ولسوال او قومي مشرانو څخه یې مننه وکړه چې د ودانې لپاره یې د ځمکې په موندلو کې مرسته وکړه.
دپوهنې ریس وویل: یاده ودانۍ به پاخه او اساسي ډول د یو کال په موده کې د ۶ میلونه او ۸۰۰ زره افغانیو په مجموعي لګښت د ولایتی بودجې څخه جوړیزي چې پر نورو اسانتیاوو سربیره داړوندو اسنادو دساتنې په موخه یوه زیر زمینې هم ولري، چې په جوړیدو سره به یې دبټي کوټ پوهنې امریت اداري ستونزې هوارې شي.
پوهنې ریس همدارنګه د پوهنیز بهیر پر ولسي کیدا ټینګار وکړ او له ځایي خلکو یې وغوښتل چې خپله هر ډول مرسته له معارف ونه سپموي.
پوهنې ریس همدارنګه دبټي کوټ ولسوالیو د ښوونځیو د لومړي، دویم او دریمو ټولګیو زده کوونکو ته د قرطاسیې او بکسو د ویش لړۍ هم څو تنو زده کوونکو ته د قرطاسیې او بکسو پر ورکړه پېل کړه.
