د پکتیکا د پوهنې کارکوونکوته ورکشاپ جوړ شو
د پوهنې وزارت_پکتیکا: د پکتیکا ولایت د پوهنې ریاست کارکوونکو ته د معاشاتو او تشکیلاتو تصفيې لپاره دوه ورځنی ورکشاپ د یاد ولایت د علی بابا په لیسه کې جوړ شو.
یاد ورکشاپ د متحده ایالاتو د پر مختیایی اداری (USAID) د (CBA) پروګرام په مالي مرسته د پوهنې وزارت کارکوونکو لخوا د دوو ورځو لپاره دایر شوي.
په دغه روزنیز ورکشاپ کې د دې ریاست تدریسي، تعلیمات اسلامي، سواد زده کړو چارو مرستیالانو، مالي اداري، راجستریشن ، پلان، تشکیلاتو او نشراتو عمومي مدیرانو او ټولو ولسوالیو د پوهنې آمرین برخه لري، چې د معاشاتو، تشکیلاتو تصفیی او یو شمېر نورو اړوندو موضوعاتو په تړاو روزنه ورکول کېږي.
د پکتیکا د پوهنې رییس انجینر محراب الدین شفق د ورکشاپ د ګډونوالو نه غوښتنه وکړه ، چې د دې پروګرام نه ستره ګټه پورته کړي او په ډېر دقت، غور او ځيرکتيا سره يې پای ته ورسوي.
د پوهنې رییس ګډنوالو ته په خپلو ورځنیو چارو کې د پر وخت اجراء او جدیت امر وکړ او زیاته یې کړه چې ددې تر څنګ پخپلو اداراتو کې پوره اصلاحات رامنځته کړۍ تر څو وولس مو خوشحاله او وطن مو پر مختګ وکړي.
