د پکتیا ولایت د پوهنې ریاست اړوند کارکوونکو د بایومیټریک پروسه رسماً پیل شوه
د پوهنې وزارت_پکتیا: د پکتیا ولایت د پوهنې ریاست اړوند ټولو کارکوونکو د بایومیټریک ډول د ثبت لړۍ پیل شوه.
په هغه غونډه کې چې په همدې موخه جوړه شوي وه ، د پوهنې رئیس استاد کوچي ځاځي ګډونوالو ته په خبرو کې وویل چې ددې سیستم په پلي کولو سره به مونږ الکترونیک ډول د چارو تنظیم ته لاسرسی پیدا کړو.
ددې تر څنګ د یاد پروګرام یو تن مسؤل شخص محمد هارون مجاهد ددې پروګرام د ښېګڼو اړوند وویل:ددې پروسي د عملي کیدو سره به ددې ولایت د ښوونیزو چارو په تنظیم کې ډېرې اسانتیاوې رامنځته شي.
نوموړي د بیلګې په ډول وویل چې د کارکوونکو بشپړ او دقیق مالوماتو ته لاسرسی، د معاشاتو د سیستم الکترونیک کیدل، الکترونیک حاضري، د تشکیل د باندې کار کوونکو په ګوته کول او نورې بیلابیلې ګټې دي چې ددې پروسې په تطبیق سره به رامنځته شي.
د پوهنې رئیس استاد کوچي ځاځي په وروستیو کې د یاد پروګرام له تطبیق کوونکو مننه وکړه او له خپله اړخه یې د هر راز همکارۍ ډاډ ورکړ.
