دخاص کونړ ولسوالۍ کې د یو ښوونځي نوي ودانۍ پرانیستل شوه

د پوهنې وزارت_کونړ: دکونړ ولایت د خاص کونړ ولسوالۍ د زوړ کونړ د هلکانو منځنۍ ښوونځي ودانۍ د یولړ مراسمو په ترځ کې پرانیستل شوه.
همدغه تړاو په جوړشوې غونډه کې دکونړ والي عبدالستار میرزکوال ،دولایتي شورا رییس،دپوهنې رییس مجیب الرحمان همدرد ،دښځو چارو رییسې ترڅنګ دبیلابېلو ریاستونو مسولینو اوخاص کونړ ولسوال برخه اخيستې وه.
د پوهنې رئیس مجیب الرحمان همدرد وایي د پوهنې کېفیت او کېمیت ښه والي ته یې ځانګړې پاملرنه کړې او د ولسونو پراخ ملاتړ یې جلب کړی دی.
نوموړي وویل یاد ښوونځی دپوهنې وزارت په چوکاټ کې د دوست هېواد هندوستان په مالي مرسته د(۱۶)میلونه افغانیو په لګښت جوړه شوي ،چې د کمپیوټر لب او لابراتوار سربېره اته درسي او څلور اداري خونې لري، چې د پاکو اوبو په ګډون پکې زده کوونکو ته د مېز او چوکۍ اسانتیاوې رامنځته شوي دي.
دیادونې وړده چې په راتلونکي (۱۳۹۹)کال کې به د اقرا برنامې دلارې کونړکې ۱۸۰ ښوونځیو ته نوي او اساسي ودانۍ جوړې شي.