د زابل د پوهنې په ریاست کې د اساسي قانون اونۍ ولمانځل شوه
د پوهنې وزارت_زابل: د زابل ولایت د پوهنې په ریاست کې د هېواد د اساسي قانون د تصویب ۱۶مه کلیزه د یوې غونډې په جوړولو سره ولمانځل شوه.
یاده غونډه د پوهنې ریاست د غونډو په تالار کې جوړه شوې وه، چې د یو شمیر دولتی ادرو مسوولینو تر څنګ د پوهنې ریاست تدریسی مرستیال، ښوونکو او کارکوونکو برخه اخیستې وه.
په یاده غونډه کې د اساسي قانون پر اهمیت او موثریت هر اړخیزې خبرې وشوې او له ټولو ګډونوالو څخه یې په خپلو مربوطه چارو کې د اساسي قانون د پلي کولو او رواجولو غوښتنه وکړه.
د افغانستان اساسي قانون په ۱۳۸۲ لمریز کال د جدي میاشتې په ۱۴مه په کابل کې د لویې جرګې له خوا په ۱۲ فصلونو او ۱۶۲ مادو کې تصویب شوی دی.
