نیمروز ولایت کې د دولسمو ټولګيو له زده كوونكو څخه د كانكور آزمايښتي آزموينه واخيستل شوه
پوهنې وزارت، نیمروز: نیمروز ولایت کې د دولتي او خصوصي ښوونځیو د دولسمو ټولګیو له زده کوونکو څخه د کانکور آز مایښتي آزموینه واخیستل شوه، په دې آزموينه کې ټول ټال۹۵۰ زده کوونکو ګډون درلود، چې ۳۸۰ تنه يې نجونې وې.
د یادې آزموینې پيلغونډه کې د پوهنې رئیس مسعود نوري تر څنګ د ښار د پوهنې امر، د دولتي ادارو ګڼ شمیر چارواکو، د ښوونځيو امرینو، ښوونکو او زده کوونکو ګډون کړی و.
په پیل کې د پوهنې رئیس د یادو ښوونځيو له امرینو څخه مننه وکړه چي خپلو زده کوونکو ته یې د آزمایښتي کانکور زمینه برابره کړه ترڅو دوی وکولای شي په عمومي کانکور کې په دقت سره خپلې آزموینې ته پام وکړي او د خپلې خوښې وړ پوهنځیو ته بريالي شي.
