د سرپل ولایت پوهنې ریاست کې د مدرسینو مسلکي پراختیا ۱۳ بستونو لپاره ازموینه واخیستل شوه
د سرپل ولایت پوهنې مسئولینو په حضور کې د ښوونکو مسلکي پراختیا ۱۳ بستونو لپاره ازموینه د یو لړ مراسمو په ترڅ کې ترسره شوه.
په دې پروسه کې د ۹۵ ګډونوالو څخه ۵۶ یې د شرایطو وړ وپېژندل شول او د ازموینې مرحلې ته ورسېدل.
د پروګرام په پیل کې، د سرپل ولایت پوهنې رئیس محترم مولوي محمد رحماني ګډونوالو ته څرګنده کړه، چې یاده ازموینه د پوهنې وزارت د اصولو او کړنلارو سره سمه او په بشپړې روڼتیا سره پلې کېږي.
نوموړي نوماندانو ته وویل: (تاسو د دې هیواد بچیان یاست، نن ورځ، تاسو د خپل استعداد، وړتیا او هڅې سره علمي او مسلکي بستونو ته د پرمختګ لپاره یو ښه فرصت لرئ. هېڅوک ستاسو د پرمختګ مخه نه شي نیولای او په یاده پروسه کې هېڅ ډول تبعیض، منځګړیتوب یا مداخله د منلو وړ نه ده. معیار ستاسو وړتیا ده. ټول ګډونوال مساوي دي او هر څوک چې غوره پایله ترلاسه کړي، هغه به مطلوبې برخې ته لاره پیدا کړي.)
