ارغنداب کې ۴ تړلي ښوونځي پرانیستل شول
د زابل ولایت د پوهنې ریاست په هڅو او قومي مشرانو په هلو ځلو دا ځل د ارغنداب ولسوالۍ په بیلابیلو سیمو کې ۴ بابه ښوونځي چي د امنیتی ستونزو له امله د څو کلونه راهیسی تړل شوي وه بیرته د زده کوونکو پرمخ خلاص شول او له دې وروسته به په رسمي ډول پکښي زده کوونکي د پوهنې ریاست چوکاټ کې زده کړې ترسره کړي.
پوهنې ریاست مسوولین وایی په دې ښوونځیو کې چې د ارغنداب ولسوالۍ په بیلابیلو سیمو کې بیرته پرانیستل شوې د خوازنګي، لنډۍ، موسی خیل او سلیمانځي په نوم ابتدایه ښوونځۍ شامل دي ، چې د سیمې ۳۰۰۰ تنو زده کوونکو ته د بیا زده کړو زمینه مساعده شوي او خپلې زده کړې به په ابتدایه شکل سره پیل کړې دي.
د زابل د پوهنې ریاست مسوولینو د یاد ښوونځيو پر فعالېدو خوښي څرګنده کړه او له اوسېدونکو یې غوښتنه وکړه، چې خپل ماشومان ښوونځي ته ولېږي.
دسيمې او سېدونکو او قومي مشرانو دیاد ولایت د پوهنې ریاست ته د ښوونځیو د فعاله ساتلو ډاډ ورکړي او ژمنه یې وکړه، چې په دې برخه کې به هر ډول مرسته او همکاري کوي.