د پوهنې وزارت سرپرست وزیر د امریکا متحده ایالاتو د اسلامي ټولنو له عمومي رئیس سره وکتل
د پوهنې وزارت سرپرست وزیر شیخ القرآن والحدیث مولوي نورالله«منیر» صاحب د یاد وزارت د مقام په دفتر کې د امریکا متحده ایالاتو د اسلامي ټولنو له عمومي رئیس ښاغلي (خلیل ابراهیم دیمیر) او مل هیئت سره وکتل.
د ملاقات په پیل کې محترم وزیر صاحب لومړی راغلي هیئت ته ښه راغلاست ووایه او بیا یې د اسلامي اخوت او ورور ګلوي او همدارنګه د مسلمانانو ترمنځ د متقابلې همکاري د اهمیت او ضرورت په هکله خبرې وکړې، د اسلامي نړۍ په ګوټ ګوټ کې یې د نړیوالو خیریه او دعوتي بنسټونو هلې ځلې وستایلې او زیاته یې کړه، چې اسلامي امارت د یادو بنسټونو په تیره بیا اسلامي ټولنو د خیریه فعالیتونو لپاره هر ډول اسانتیاوې برابروي او هغوی دې ته هڅوي، ترڅو د افغانستان خلکو ته په پوره ډاډ سره خپلې مرستې ورسوي.
ښاغلي (خلیل ابراهیم دیمیر) د خپلو خبرو په ترڅ کې وویل، چې دوی له شلو کلونو راهیسې د (زکات فاونډیشن) په نامه یو خیریه بنسټ تاسیس کړیدی، چې د اسلامي نړۍ په ګوټ، ګوټ او همدارنګه د امریکا په متحده ایالاتو کې خیریه فعالیتونه سرته رسوي او ډيره پاملرنه یې د یتیمانو ښوونې، روزنې او اقتصادي تکافل ته ده. نوموړي زیاته کړه، چې ددوی بنسټ د امریکا په متحده د ایالاتو کې پنځلس سوه(۱۵۰۰) اسلامي ښوونځي تاسیس کړیدي، په تیرو دوو کلونو کې یې د نړۍ په ګوټ ګوټ کې بیوزلو او مستحقو خلکو ته د پنځه میلیونه پونډه په ارزښت غذايي توکي وېشلي دي او تر دې مهال پورې یې افغانستان ته څلورسوه تعلیمي سکالرشیپونه ورکړیدي.
د مجلس په پای کې د پوهنې محترم وزیر صاحب د (زکات فاوندیشن) خیریه هلې ځلې وستایلې او د یاد فاونډیشن له مشرتابه څخه
