په مرکز او ولایتونو کې د پوهنې لنډ خبرونه:
بدخشان:
د دې ولایت د پوهنې په ریاست کې د پوهنې وزارت د پلاوي او د بدخشان د پوهنې د مسوولینو ترمنځ د بدخشان ولایت د ټولو ښوونځیو د وضعیت او شفافیت د ارزونې په موخه غونډه جوړه شوه. او په دې برخه کې یې خپل نظرونه شریک کړل.
لغمان:
د لاسونو مینځلو نړیواله ورځ د لغمان ولایت د مرکز مهترلام بابا ښار په یو شمېر ښوونځیو کې د پوهنې ریاست د مسوولینو، عامې روغتیا او د سویډن کمیټې په حضور کې ونمانځل شوه.
د دغه ولایت د پوهنې رئیس مولوي شاه جهان ساجد د یونیسف ادارې له مرستو مننه وکړه او د اسلام له نظره یې د پاکوالي پر ارزښت هر اړخیزې خبرې وکړې.
کابل:
د کابل ولایت د پوهنې رئیس مولوي عبدالحق حقاني د کابل ولایت د شکردرې ولسوالۍ د پوهنې له مسوولینو سره وکتل او هغوی ته یې د پوهنې د وضعیت د ښه والي په موخه لازمې لارښوونې وکړې.
په یو بل خبر کې:
د WCC موسسې د شکردرې والسوالۍ د پوهنې له آمریت سره یې ورزشي سامانونه لکه: د والیبال او فوټبال توپونه، کرمچ، بلوز او نور د لوبو وسایلو مرستې وکړې.
له بلی خوا:
د کابل ولایت د سروبي ولسوالۍ د پوهنې آمریت د نظارت غړو د مستي چیني لېسې له ادارې سره په همغږي کې له قومي مخورو سره غونډه وکړه او د پوهنې د لا ښه والي په موخه یې نوې ولسي شورا جوړه کړه چې غړي یې ملا امامان او د پوهنې استازي دي.
فاریاب:
د فارياب ولايت د عزيزاباد الحاقیه د پوهنې د مسوولينو د ناروې د کميټې د عمومي منشي او نورو غړو، د سيمې د خلکو او زده کوونکو په شتون کې د يو لړ مراسمو په ترڅ کې پرانيستل شوې.
د فارياب ولايت د پوهنې رييس د سويډن کمېټې له مسوولينو څخه د مننې په ترڅ کې زياته کړه: دغه پروژه د ناروې د کميټې په مالي مرسته او د ښوونځيو د شورا په استازیتوب د ٨٥٠٤٤٠ افغانيو په لګښت د پوهنې ریاست د انجینرۍ ټیم تر څارنې لاندې جوړ او ګټې اخیستنې ته وسپارل شو.
فراه:
د فراه ولايت د جهادي لېسې د څلور نيم مياشتنيو ازموينو پايلې د دغه ولايت د پوهنې د مسوولينو او نورو سيمه ييزو رياستونو په حضور کې اعلان شوې.
له لومړي څخه تر څلورم درجې پورې زده کوونکي په ستاینلیکونو او دیني کتابونو ونازول شول.
کاپیسا:
د ترکیې خیریه موسسې IHH د کاپیسا ولایت د تګاب ولسوالۍ د مرکزي یتیم خانې ماشومانو ته د لاسي بکسونو مرسته وکړه.
د دغه ولايت د پوهنې رئيس مولوي محمد فريد حقاني د يادې ادارې د ستاينې په ترڅ کې د دغه ډول مرستو د دوام غوښتنه وکړه.
هرات:
د هرات ولایت د پوهنې رئیس مولوي شهاب الدین ثاقب د استادانو په حضور کي له جامعة الروحانیه، جامعة الاشرافیه، جامعة المحمدیه او جامعة العباسیه مدرسو څخه لیدنه او څارنه وکړه. نوموړي په یادو بنسټونو کې د ښوونيز نصاب پر تطبيق ټينګار وکړ.
پنجشیر:
د پنجشير ولايت د پوهنې رييس مولانا غلام ایشان حماس له راغلي پلاوي سره یو ځای د دغه ولايت د مرکز بازارک د ولي محمد شهيد ليسې له چارو څخه څارنه وکړه .
د دې لېسې مسوولينو پوهنې رئيس ته د ښه راغلاست پرمهال د دې لېسې پر شته ستونزو او نيمګړتياوو یې خبرې وکړې او د حل غوښتنه يې وکړه.
بلخ:
د بلخ ولایت د پوهنې رئیس مولوي عبدالجلیل شهیدخېل او ورسره ملګري پلاوي د دغه ولایت د چهاربولک ولسوالۍ پر د ښوونځیو پر مسوولینو یې د پوهنې وزارت د اسلامي زده کړو نغدي مرستې ووېشلې او د ښوونځیو له مدیرانو او مسوولینو سره یې هم وکتل. د اداري او تدریسي چارو د ښه والي په اړه یې لازمې لارښوونې وکړې.
