د غزني ولایت له دیني مدرسو څخه د پوهنې وزارت د سرچینو او ادارې معین د لیدنو او کتنو لړۍ
د پوهنې وزارت د سرچینو او ادارې معین شیخ الحدیث مولوي سعید احمد شهیدخیل له دیني مدرسو او د مدرسو له مسوولینو سره د لیدنو او کتنو په دوام کې له خپل مل پلاوي هر یو د خصوصي زده کړو رئیس مولوي عبدالرحمن حمیدي. د دارالعلومو رئیس مولوي عبدالقدوس قدوسي او د دغه وزارت د تقنین او پالیسۍ رئیس مولوي محمد رحیم ایوب سره یو ځای د غزني ولایت په مرکز کې د سلطان محمود غزنوي له دارالحفاظ، د حضرت فاروق (رض) جامعې، د حضرت ابوبکر صدیق (رض) عالیه مدرسې او د بهايیه اسلامي مدرسې څخه لیدنه وکړه. په يادو ناستو کې پلاوي د يادو ادارو له مسوولينو، استادانو او زده کوونکو سره یې له نږدې وليدل،د زده کړو په جریان کې یې د نظم او نزاکت د مراعتولو په اړه ارزښتناکې خبرې وکړې او مسوولينو او استادانو ته يې د پوهنې په برخه کې لازمې لارښوونې وکړې. د یادو ادارو له استادانو یې وغوښتل، ترڅو زده کوونکي په اسلامي روحیه وروزي
د دغو ناستو په پای کې راغلي پلاوي د ګډونوالو وړاندیزونه، نظریات او ستونزې واورېدې او د شته ستونزو او ننګونو د حل په موخه یې د مرستو ژمنه وکړه.
په دې کتنه کې راغلي پلاوي د ښوونځیو د بیارغونې او د زده کوونکو د اغاشې او اباطې لپاره یوه اندازه نغدي مرسته وکړه.
