له ولایتونو څخه د پوهنې خبرونه
پروان
پروان ولایت د چاریکار ښار د ښوونځیو ۲۰۰ یتیمو او بېوزلو زده کوونکو ته خوراکي توکي، قرطاسيه، جامې او ۱۴۰۰ افغانۍ د یونیفورم جوړونې په هکله نغدې مرسته ورسره وشوه.
د یادونې وړ ده چې یادې مرستې د مرستندویه بنسټ له لورې شوي دي.
لوګر
د مهربانۍ خیریه بنسټ او الحاج همایون عباسي، د لوګر ولایت اوسېدونکی چې له هېواد څخه بهر مېشت دي د لوګر ولایت د پل علم ښار د شش قلعه متوسطه ښوونځي ۹۵۰ تنو زده کوونکو سره د قرطاسیې او درسې توکو مرسته وکړه.
د پوهنې مسؤلینو او د زده کوونکو کورنیو له یاد بنسټ او نوموړي شخص څخه د مننې په ترڅ کې له نورو شتمنو خلکو وغوښتل تر څو د هېواد د پوهنې په پرمختګ کې مرسته وکړي.
غزنی
د غزني ولایت د پوهنې رئیس الحاج مولوي میرنصیر احمد حسینی د خصوصي کورسونو له مسئولینو او مدیرانو سره د لیدنې په ترڅ کې له هغوي غوښتنه وکړه، چې ټول ښوونیز فعالیتونه له قانون او د پوهنې وزارت له طرزالعمل سره سم برابر کړي.
پنجشیر
د پنجشیر ولایت د درې ولسوالۍ پوهنې آمریت کاري غونډه د یادې ولسوالۍ د پوهنې آمر تر نظر لاندې تر سره شوه، په دې غونډه کې د کاري بهیر چټکتیا، له مراجعینو سره د ښه سلوک او د ښوونځیو له اداري او تدریسي څارنې تر څنګ یې په ځینو نورو مسائلو خبرې اترې وشوې.
