په میدان وردګ ولایت کې د یو باب ښوونځي د بیارغونې چارې پیل شوې
د میدان وردګ ولایت د پوهنې ریاست مشرتابه، علماء کرامو، قومي مخور او د همکارو بنسټونو د استازو په ګډون، د یاد ولایت چک ولسوالۍ اړوند ( د بي بي هاجرې «رضی الله عنها» ) د نجونو ښوونځي بیارغونې چارې پیل شوې.
په ياده پروژه کې د شاوخوا احاطوي دېوالونو جوړول، د پاکو اوبو د څاه ګانو کیندل او يو شمېر نور اړین محلقات شامل دي، چې د ۱۰ ميليونه افغانيو په لګښت سره د یو همکار بنسټ له لوري تموېليږي.
د میدان وردګ ولایت پوهنې رئیس مولوي محمد عثمان حریت، د پوهنې په برخه کې له یاد مرستندویه بنسټ څخه د مننې ترڅنګ، د هېواد بچیانو ته د زده کړو د آسانتیاوو برابرولو ژمنه وکړه او د دغه ولایت د تدریسي څانګو له کارکوونکو یې وغوښتل، تر څو د ښوونیزو پروګرامونو لاښه والي لپاره په صادقانه توګه فعالیتونه وکړي.
