په پنجشېر ولایت کې د دیني مدارسو د طالب العلمانو لپاره یو باب لیلیه پرانیستل شوه
د پنجشېر ولایت د والي الحاج حافظ محمد حکیم آغا، پوهنې رئیس مفتي حبیب الله نوري قتاده او د یو شمېر علماءکرامو په ګډون، په یاد ولایت کې د ۴۰۰ تنو طلابو لپاره یو باب لیلیه ګټې اخیستنې ته وسپارل شوه.
په یادو مراسمو کې د همدغه ولایت والي او پوهنې رئيس هر يو په خپل وار سره د ديني علومو د زده کړې پر اهميت او د ټولنې په اصلاح کې د علماءکرامو پر رول خبرې وکړې او له ځوانانو يې وغوښتل، تر څو د دیني او عصري علومو زده کړې لپاره خپل ديني او ملي رول ولوبوي.
د يادونې وړ ده، چې دغه ليليه د پنجشېر ولايت د مرکز او ۷ ولسواليو د ديني مدارسو د زده کوونکو له خوا کارول کېږي او د هرې یوې ولسوالۍ برخه ٥٠ تنه زده کوونکي دي.
