د پوهنې وزارت د دعوت او ارشاد محترم رئیس د هرات ولایت له پوهنې مسئولینو سره وکتل
د پوهنې وزارت د دعوت او ارشاد رئیس محترم الحاج مولوي جمعه خان سروري، هرات ولایت ته د خپل رسمي سفر په تر څ کې د یاد ولایت د پوهنې له رئیس محترم مولوي رحمت الله جابر او نورو مسئولینو سره وکتل او د یو شمېر مهمو موضوعاتو په اړه یې خبرې وکړې.
د پوهنې وزارت د دعوت او ارشاد محترم رئیس د خپل سفر اساسي موخه، د پوهنې له مسئولینو سره لیدنه او په هرات ولایت کې د اسلامي ا.مارت د رهبرۍ د هدایاتو د تطبیق ارزونه وبلله.
نوموړي له ټولو مسئولینو وغوښتل چې د الهي احکامو د پلي کولو، د نبوي(صلی الله علیه وسلم) د سنتو پیروۍ او د اسلامي ا.مارت د رهبري د هدایاتو تحقق په برخه کې هر اړخیزې هڅې وکړي او د دیني درسونو په ورځنیو حلقو کې فعاله ونډه واخلئ.
ورپسې د هرات ولایت پوهنې رئیس د پوهنې وزارت د پلاوي له سفر څخه هرکلی وکړ او په دې برخه کې یې د لازمو همکاریو ډاډ ورکړ.
