د زابل پوهنې ریاست د ولسونو سره د ۱۳۹۸ کال لاسته راوړنې شریکې کړې

د پوهنې وزارت_زابل: د زابل ولایت مقام کې د زابل والي په شمول د بېلابېلو ادارو مسولینو د ولسي ملاتړ په نوم غونډه کې د قومي مشرانو، مدني فعالینو، ځوانانو او رسنیو سره د ۱۳۹۸ کال لاسته راوړنې او فعالیتونه شریک کړل.
د زابل د پوهنې ریس نصرالله زاهد د پوهنې ریاست د فعالیتونو او لاسته راوړنو مالومات له ګډونوالو سره شریک کړل، وه یې ویل د زابل پوهنې ریاست په بېلابېلو برخو کې پرمختګونه کړي او لا هم ژمن دی چې نور مثبت تغیر راولي.
د پوهنې رییس زیاته کړه : چې وروسته له ۱۸ کالو موږ توانيدلي يو چې د زابل په ټولو ولسوالیو کې د زده کونکو پرمخ ښونځی پرانيزو.
د پو هنې ریس وایی په مرکز او ټولولسوالیو کې ۱۹۲ ښوونځي دا مهال فعال دي.
دمراسمو په دویمه برخه کې د ماشومانو په اړه د زده کوونکو ترمنځ د مقالو او شعر ویلو مسابقه ترسره شوه، چې دخوا او شا ۶۰ تنو زده کوونکو له منځه شلو تنو غوره شویو زده کوونکو خپل شعرونه او مقالې ولوستې چې د ټاکل شوي پلاوي له لورې یې تر منځه پینځه شعرونه غوره او ویونکو ته یې برابرې شوې ځآنګړې ډالۍ او همدارنګه شلو واړو زده کوونکو ته سوغاتونه ورکول شول.
دمراسمو په اوږدو کې دبي بي عایشې صدیقې او چکنورویو لېسو زده کوونکو په زړه پورې ترانې هم وړاندې کړې.