د پوهنې وزارت د بودیجې کمېټې ځانګړې غونډه وکړه
د پوهنې وزارت د بودیجې کمېټې غونډه، د یاد وزارت د مالي او حسابداري رئیس مولوي صدرالدین سعد تر څارنې لاندې جوړه شوه.
په یاده غونډه کې د پوهنې وزارت یو شمېر مرکزي رئیسانو او د معینیتونو کارپوهانو هم ګډون درلود.
د آجنډا له مخې په غونډه کې د پوهنې وزارت په یو شمېر مالي چارو، تدارکاتو، تمویل، ارزونې او د دغه وزارت د پروژو د څرنګوالي په اړه هر اړخیز او مسلکي بحثونه ترسره شول او د یو لړ نظریاتو له تبادلې وروسته لازمې پرېکړې وشوې.
غونډه د دعائیې په لوستلو سره پای ته ورسېده.
