د بدخشان ولایت د ښوونځیو ۱۳۰ تنو کارکوونکو لپاره روزنیز ورکشاپ پیل شو
له پوهنې سره د یوې همکارې ادارې په مالي او تخنیکي ملاتړ د بدخشان ولایت کوهستان ولسوالۍ اړوندو ښوونځیو ۱۳۰ تنو مدیرانو، ښوونکو او سرښوونکو لپاره "د اغېزمنې زدهکړې او وړتیا لوړولو" تر سرلیک لاندې شپږ ورځنی روزنیز ورکشاپ پیل شو.
د پوهنې چارواکو په خپلو پرانیستونکو ویناوو کې د دغه شان ورکشاپونو جوړول د ذهنیت جوړونې، تجربو تبادلې او د ښوونکو او د پوهنې شوراګانو غړو د مسلکي مهارتونو لاښهوالي په لور یو مهم ګام وباله او له ګډونوالو یې وغوښتل چې د تدریس په برخه کې د روزنیز ورکشاپ له منځپانګې څخه ډېره ګټه پورته کړي.
