د بلخ ولایت اړوند خالد ابن ولید لېسې د ۷ درسي ټولګيو د جوړېدو چارې پای ته ورسېدې
د بلخ ولايت مزارشريف ښار د خالد ابن وليد عالي لېسې د ۷ درسي خونو چارې، د خلکو شورا د يو ميليون افغانيو په لګښت سره بشپړې شوې.
ياد ټولګي د يو لړ مراسمو په ترڅ کې چې د یاد ولایت پوهنې رياست مسئولينو، ديني علماوو، ښوونکو او یو شمېر زده کوونکو پکې ګډون درلود، پرانیستل شول.
په ورته مهال، ويناوالو د پوهنې د پياوړتيا په لاره کې د مزارشريف ښار د علم دوستو خلکو له ملاتړ څخه د خوښۍ او قدردانۍ په ترڅ کې، د ښوونيزو بنسټونو د جوړولو او اهميت په اړه خبرې وکړې.
د يادې لېسې آمر او د سيمې د خلکو شورا مشر په دې برخه کې د بلخ د پوهنې رياست له همکارۍ مننه وکړه.
