د خصوصي ښوونځيو د فيس په تړاو د پوهنې وزارت مطبوعاتي اعلاميه

media-moe
دوشنبه ۱۴۰۰/۵/۱۱ - ۱۵:۲۵
اعلامیه مطبوعاتی

نن له غرمې مخکې د پوهنې وزارت د ښوونې او روزنې معين ډاکټر عطاالله واحديار او د خصوصي ښوونځيو د اتحاديې مشر محمد داٶد بابر شينواري په ګډون، د خصوصي ښوونځيو د فيس په تړاو د حکومت د رسنيو مرکز کې مطبوعاتي کنفرانس جوړ شو.

په پيل کې ډاکټر عطاالله واحديار وويل، د کرونا دريمه څپه د دې لامل شوه چې يو ځل بيا ټول تعليمي او تحصيلي بنسټونه رخصت شي، نو دا چې چنګاښ مياشتې کې د هيواد ټول خصوصي او دولتي(تعليمي او تحصيلي) بنسټونه رخصت وول، نو د خصوصي ښوونځيو ستونزو ته په کتو، لکه د ښوونکو او کارکوونکو د معاش ورکړه، داسې پريکړه وشوه، چې کورنۍ دې د چنګاښ مياشتې ۵۰ سلنه فيس ښوونځيو ته تحويل کړي.

د ښوونې او روزنې معين له خصوصي سکتور څخه د مننې ترڅنګ زياته کړ: خصوصي ښوونځيو ته د ماشومانو ليږل يو اختياري عمل دى نه اجباري او د ټولو دولتي ښوونيزو بنسټونو ور د ولس په مخ د تل په څير پرانيستىی دی، همداراز پوهنې وزارت ټول هيواد کې په انډول برابرو ښوونيزو چوپړتياو وړاندې کولو ته ژمن دى.

همداراز نوموړي زياته کړه، ښوونځى او مدرسه د خداى پيژندې ځاى دى او د جګړې له ښکيلو اړخونو هيله کوو چې ښوونځي د سنګر په توګه و نه کاروي، د ښوونځيو، زده کوونکو او ښوونکو خونديتوب ته پاملرنه ورکړي.

د ناستې په پاى کې عطاالله واحديار او د خصوصي ښوونځيو د اتحاديې رئيس د خبريالانو پوښتنې ځواب کړې.

هيره دې نه وي، چې اوس وخت کې په ټول هيواد کې ۳۰۰۰ خصوصي ښوونځي فعاليت لري او ټولټال ۶۵۰ زره زده کوونکي په کې په زده کړو بوخت دي او زموږ ۵۰ زره هيوادوالو ته دندې برابرې شوي، چې له دې ډلې نه ۳۵ زره يې ښوونکي دي.

تازه خبرونه

سه‌شنبه ۱۴۰۰/۶/۳۰ - ۲۱:۱
Background image

دپوهنی او روزنې سرپرست د دارالمعلمینونو د اتحادیې له مسئولینو سره وکتل

د ا.ا.ا د پوهنې وزارت سرپرست وزیر شیخ نورالله منیر د دارالمعلمینونو د اتحادیې او مسئولینو سره لیدنه وکړه، په کتنه کې د دارالمعلمینونو پر تدریسی او اداري موضوعاتو، او یوشمیر نورو ستونزو. . .

یکشنبه ۱۴۰۰/۶/۲۸ - ۹:۵۹
Background image

د پوهنې وزارت د کارمندانو د کار د پیل په اړه د پوهنې په وزارت کې غونډه ترسره شوه

د پوهنې وزارت د سرپرست وزیر محترم شیخ الحدیث نورالله (منیر) په مشرۍ په داسې حال کې چې د وزارت اړوند ریاستونو مسئولین او د ا.ا.ا د ښوونې او روزنې د کمیسیون غړو هم په کې ګډون کړی وو جوړه. . .

جمعه ۱۴۰۰/۶/۲۶ - ۱۳:۵۸
Background image

د پوهنې وزارت خبرتیا

د هېواد ټولو امارتي او خصوصي ښوونځیو، رسمي دارالعلومونو او رسمي مدارسو ته خبر ورکول کیږي:

۱: څرنګه چې مخکې ټولو ښوونځیو او رسمي مدارسو ته تر شپږم ټولګي پورې د تعلیمي بهیر د پیل خبر. . .

BACK TO NEWS