د سرپل ولایت په بابه ښوونځیو کې د څښاک پاکو اوبو دوه څاګانې ګټې اخیستنې ته وسپارل شوې
د سرپل ولایت ګوسفندي ولسوالۍ اړوند د شاهمرد لېسې او د شیخان هلکانو منځني ښوونځي کې د څښاک اوبو ۲ حلقو څاګانو کیندلو چارې، د علمپالو خلکو او د ښوونځیو د شوراګانو د صادقانه همکاریو او هڅو په پایله کې بشپړې او د پوهنې مسوولینو لخوا پرانیستل شوې.
د ګوسفندي ولسوالۍ پوهنې آمر د معلوماتو له مخې، د شاهمرد لېسې د څاه د کیندلو لګښت (۵۰ زره) افغانۍ او د شیخان هلکانو منځني ښوونځي د څاه لګښت (۳۰ زره) افغانۍ شوی، چې د یادو ښوونځیو د خلکو او شوراګانو له خوا ورکړل شوی دی.
