د سولې نړیوالې ورځې په ویاړجوړې شوې انځوریزې سیالۍ کې د بي بي حوا او بي بي مریم لېسو لومړی او دویم مقام تر لاسه کړ

media-moe
سه‌شنبه ۱۳۹۹/۷/۱ - ۱۴:۱۵
د سولې نړیوالې ورځې په ویاړجوړې شوې انځوریزې سیالۍ کې د بي بي حوا او بي بي مریم لېسو لومړی او دویم مقام تر لاسه کړ

د پوهنې وزارت_ننګرهار: د ننګرهار ولایت د پوهنې ریاست اړوند د ښوونځیو زده کوونکو د سولې نړیوالې ورځې په ویاړجوړې شوې انځوریزې سیالۍ کې لومړی او دویم مقام تر لاسه کړ!

دا سیالي د سولې نړیوالې ورځې د نمانځنې په ویاړ د ښځو د پیاوړتیا او مشارکت ادارې (پرموټ) له لورې د پوهنې ریاست اړوند دپینځو (بي بي حوا، بي بي مریم، الایي، بي بي عایشې او ملکه ثریا لېسو زده کوونکو او د ننګرهار، التقوا او الفلاح خصوصي پوهنتونونو د ادبیاتو او ژورنالیزم پوهنځیو د زده کړیالانو ترمنځ تر سره شوه په پایله کې د بي بي حوا عالي لېسې زده کوونکو لومړی، د بي بي مریم لېسې زده کوونکو دویم او د الفلاح پوهنتون د ژورنالیزم پوهنځۍ زده کړیالانو دریم مقام تر لاسه کړ.

په دې مراسمو کې د پوهنې ریاست تدریسي مرستیال استاد اول ګل ابوذاهد په خپلو خبرو کې له پروموټ ادارې نه د دې سیالیو د ترسره کولو له امله مننه وکړه او دا یې د زده کوونکو د استعدادونو په غوړولو کې اغیزناکې وبللې. نوموړي وویل د هر هغه اقدام ستاینه او ملاتړ کوي چې تر مخه یې د زده کوونکو استعدادونه او وړتیاوې غوړیږي او د هغوې د ذهنې ودې د پرمختګ سبب ګرځي.

د پرموټ ادارې مشرې میرمن مریم ذاهد د یادې سیالۍ او د میرمنو د پیاوړتیا لپاره یې د خپلې اړوندې ادارې پر فعالیتونو رڼا واچوله.

د مراسموپه پاې کې ګټونکو زده کوونکو ته ډالۍ ورکول شوې.

تازه خبرونه

سه‌شنبه ۱۳۹۹/۸/۶ - ۸:۴۱
Background image

په تخار ولایت کې د دیني مدرسو زده کونکو ترمنځ علمي او حقوقي سیالۍ پیل شوې

د پوهنې وزارت_تخار: د تخار ولایت د پوهنې ریاست د اسلامي تعلیماتو د آمریت په نوښت، د اسلام دین او د هیواد د نافذه قوانینو له نظره د ښځو د حقونو تر سرلیک لاندې د دیني مدرسو زده کونکو. . .

دوشنبه ۱۳۹۹/۸/۵ - ۱۴:۳۲
Background image

د هرات د ښوونځیو له زده کوونکو سره د قرطاسیې مرسته وشوه

د پوهنې وزارت_هرات: د هرات ولایت د پوهنې ریاست سره د ښه نیت لرونکو خلکو او اشخاصو د دوستانه مرستو په دوام، نبی الرحمه خیریه بنسټ د دې ولایت د ښوونځیو بیوزلو زده کونکو سره مرسته وکړه.

د. . .

دوشنبه ۱۳۹۹/۸/۵ - ۱۳:۲۹
Background image

پکتیا کې د یو ښوونځي د جوړېدو چارې پیل شوې

د پوهنې وزارت_پکتیا: د پکتیا ولایت د زرمت ولسوالۍ اړوند د شاه کاریز منځني ښوونځي د ودانۍ د بنسټ ډبره د پوهنې رییس، د ښار جوړونې او ځمکو ریس انجنیر رحیم افعان او یو شمیر چارواکو په ګډون. . .

BACK TO NEWS