د میدان وردګ ولایت یوې لېسې سره د ۱۲۰۰ ډالرو مرسته شوه
د میدان وردګ ولایت چک ولسوالۍ څخه یو بااحساسه ځوان محترم قاضي عبدالحکیم اصغري، د یادې ولسوالۍ آبکزار لېسې د ودانیزو چارو لپاره ۱۲۰۰ ډالر نغدي مرسته کړې ده.
یاده مرسته به د ښوونځي لپاره د نوې ځمکې برابرولو، د ښوونځي شاوخوا داخلي سړک جوړولو او د ودانۍ د وېجاړېدو مخنیوي لپاره د اوبو د کانال رغولو لپاره وکارول شي.
دغه اقدام به د ښوونځي لپاره د مناسب او ګټور ښوونیز چاپېریال رامنځته کولو لپاره لاره هواره او د ساختماني کارونو لپاره به زمینه برابره کړي.
د پوهنې وزارت مشرتابه د هېواد له علم پال ولس، په ځانګړې توګه د پوهنیز نظام په پیاوړتیا کې د میدان وردګ ولایت علم پروره شخصیتونو له مرستو مننه کوي.
