د پوهنې وزارت د بودیجې کمېټې ځانګړې غونډه جوړه شوه
![شسیبیسشیب](/sites/default/files/2024-06/448835253_443389788688950_3895081299251391971_n.jpg)
د پوهنې وزارت د بودیجې کمېټې غونډه، د یاد وزارت د سرچینو او ادارې معینیت د دفتر آمر مولوي عبدالباري په مشرۍ په داسې حال کې جوړه شوه، چې د دغه وزارت د نورو معینیتونو استازو او کارپوهانو هم حضور درلود.
غونډه د قرآن عظیم الشان د څو مبارکو آیتونو په تلاوت سره پیل شوه؛ ورپسې د تېرې غونډې د پرېکړو د تطبیق ارزونه ترسره او له هغې وروسته د ښوونکو د مسلکي پراختیا، سفریو، د تخنیکي وسایلو د ترمیم، ودانیو، د تدریسي حق الزحمې د لایحې نهایي کولو، د تدارکاتي پلانونو او یو شمېر نورو مالي چارو په تړاو هر اړخیز بحثونه ترسره او لازمې پرېکړې وشوې.
غونډه د دعائیې په لوستلو سره پای ته ورسېده.