د پوهنې وزارت د ولایتي چارو د سمون او همغږۍ رئیس د کندهار ولایت خاکریز ولسوالۍ ته په رسمي سفر ولاړ
د پوهنې وزارت د ولایتي چارو د سمون او همغږۍ رئیس الحاج مولوي پاینده محمد تعليم د خپلو رسمي سفرونو په دوام، د کندهار ولایت خاکریز ولسوالۍ ته ولاړ او د يادې ولسوالۍ له پوهنې مسئولينو او یو شمېر علماوو سره يې وکتل.
نوموړي د خاکریز ولسوالۍ د ښوونیزو لاسته راوړنو او ستونزو د څېړلو پرمهال، د پوهنې درې کلن ملي ښوونیز پلان په تړاو د پوهنې مسئولینو ته معلومات ورکړل او له هغوی یې وغوښتل، تر څو د یاد پلان په تړاو خپل نظریات او وړاندیزونه څرګند کړي.
په ياده غونډه کې د علماوو او د پوهنې د مسئولینو نظرونه د پلاوي له خوا راټول شول.
