د پوهنې وزارت مشرتابه له لوري د اصول صنفي دورې یو بااستعداده او ځیرک زده کوونکی تقدیر شو
د هرات ولایت اوسېدونکی او له ایران څخه بېرته راستون شوی زدهکوونکی آریا محمدي، چې په حساب او ریاضیاتو کې د ځانګړي او عالي استعداد خاوند دی، نن د پوهنې وزارت محترم مشرتابه لخوا وستایل شو.
مراسم د قرآن کریم د څو مبارکو آیتونو په تلاوت سره پيل شول. ورپسې د پوهنې وزارت مالي او اداري معین، محترم الحاج مولوي صبغتالله وصیل، د زدهکوونکي کورنۍ ته د هرکلي ترڅنګ، د آریا محمدي لپاره د لازمو تعلیمي اسانتیاوو برابرولو ژمنه وکړه.
نوموړي وویل چې د پوهنې وزارت به د دې استعداد لرونکي زدهکوونکي د ستونزو په حل کې بشپړه همکاري کوي.
همداراز د استعدادونو د ارزونې رئیس محترم مفتی عبدالولي سداد، د نصاب او د ښوونکو مسلکي پراختیا لوی رئیس، محترم مولوي اولګل ایوبي، آریا محمدي وارزاوه او هغه یې په ریاضیاتو کې د یو پیاوړي استعداد څښتن وباله.
په پای کې یاد زده کوونکی د پوهنې وزارت مشرتابه لخوا په مادي او معنوي ډاليو تقدیر شو.
مراسم د هېواد د پرمختګ او د پوهنې د ودې لپاره په مبارکې دعائیې پای ته ورسېدل.
