د پوهنې وزیر محترم شیخ مولوي نورالله منیر صاحب د هیواد ولایاتو ته دخپلو سفرونو په لړۍ کې نورستان ولایت ته ورسید
د پوهنې وزیر محترم شیخ مولوي نورالله منیر صاحب د هیواد ولایاتو ته دخپلو سفرونو په لړۍ کې نورستان ولایت ته ورسید. نوموړي ته د یاد ولایت د محترم والي صاحب، دپوهنې ریاست د مسئولینو،ولایتي چارواکو او خلکو له خوا تود ښه راغلاست او هرکلی وویل شو.
د نورستان والي صاحب له محترم وزیر صاحب څخه مننه وکړه، چې د یاد ولایت د ښوونیز بهیر د ارزونې په موخه یې تشریف راوړی دی.د یادونې وړ ده، چې د کابل له فتحې څخه را په دې خوا د پوهنې محترم وزیر صاحب د هیواد (۲۵) ولایتونو ته تشریف وړی دی او په نږدې راتلونکې کې به له پاتې ولایتونو څخه هم لیدنه وکړي او له نږدې څخه به د یادو ولایتونو تعلیمي بهیر وارزوي.
