د پکتیکا ولایت یو باب ښوونځي لپاره د ۲۰۰ زره افغانیو په لګښت لمریزې برېښنا اسانتیا برابره شوه
د یوې همکارې ادارې او د کډوالو او راستنېدونکو چارو ریاست په مالي ملاتړ سره، د پکتیکا ولایت مرکز ښرنې ښار کې د علي بابا لېسې لپاره لمریزې برېښنا سیسټم فعال شو.
یاد سیسټم چې د ۲۰۰ زره افغانیو په لګښت جوړ شوی، د ۸ کیلو واټه برېښنا تولید ظرفیت لري او د لېسې د برېښنایي اړتیاوو پوره کولو لپاره نصب شوی دی.
د یاد ولایت پوهنې رئیس محترم مولوي عبدالوکیل خالد په دې اړه وویل چې، د لمریزې برېښنا سیسټم په فعالولو سره به نه یوازې د زدهکوونکو برېښنا ستونزه حل شي، بلکې په تعلیمي بهیر کې به هم مثبت بدلونونه رامنځته شي.
نوموړي زیاته کړه چې دغه سیسټم به د زدهکوونکو د زدهکړې کیفیت لوړ کړي او د لېسې ټولې برېښنايي اړتیاوې به په بشپړه توګه پوره کړي.
