له ولایتونو څخه د پوهنې خبرونه
ارزګان
د NRC مؤسسې سیمه ییز دفتر د سیمه ییزو او ګړنديو ټولګیو ۱۴۲ تنو ښوونکو لپاره میتودیک سیمینار جوړ کړ او نوي ښوونیز میتودونه یې ورته تدریس کړل.
کابل
د کابل ولایت په سروبي ولسوالۍ کې د ماشومانو د ساتنې مؤسسې سیمه ییز دفتر د دې ولسوالۍ د پوهنې آمریت په مرسته له ۱۴ تنو نوماندانو څخه ازموینه واخیسته، چې له دې ډلې څخه دوه تنه یې، چې معیاري نمرې ترلاسه کړي د ټولنیز کارکونکي په توګه به استخدام شي.
ننګرهار
د ننګرهار ولايت د پوهنې رئيس مفتي حبيب حضرت حقاني د یاد ولايت بهسود ولسوالي د هډه لېسې او د نجم الدين آخندزاده دارالعلوم له ازموینو څخه د څارنې ترڅنګ د یادو ادارو د اداري او تدریسي اسنادونه ارزونه هم وکړه.
غزني
د غزني ولایت د جاغوريو ولسوالي د پوهنې آمر د دې آمریت د دعوت او ارشاد او د تعلیمي څارنې له غړو سره یو ځای د یادې ولسوالي د فاروقیه سراج العلوم له مدرسې، او د رسنه د نجونو او هلکانو له لومړني ښوونځي څخه لیدنه وکړه. نوموړو د یادو ادارو د ادارې او تدریسي اسنادونو د څېړلو په ترڅ کې او د ښوونکو د کمښت، درسي کتابونو، قرطاسیه، درسي خونو او نورو اړینو موضوعاتو په باب خبرې وکړې.
