له ولایتونو څخه د پوهنې خبرونو ته لنډه کتنه
لوګر
د پوهنې یو همکار بنسټ د لوګر ولایت پوهنې ریاست سره په همغږۍ، د یاد ولایت په خوښۍ ولسوالۍ کې د پوهنې د یو شمېر کارکوونکو او د والدینو شورا غړو ته د ماشومانو د حقونو د پوهاوي په موخه یو ښوونیز سیمینار جوړ کړ.
سرپل
د سرپل ولایت د پوهنې ریاست اداري غونډه د یاد ریاست د سرچینو او ادارې آمر مفتي ذبیح الله محمدي تر څارنې لاندې د پوهنې د ملاتړو ادارو د استازو په حضور کې جوړه شوه.
ګډون والو خپل راتلونکي پلانونه او کړنې د غونډې له مشرتابه سره شریک کړل.
بدخشان
د بدخشان ولايت پوهنې رياست اداري غونډه، د یاد رياست د سرچینو او ادارې آمر قاري عبدالهادي هادي په مشرۍ د سيمه ييزو او همکارو بنسټونو د مسئولينو په ګډون جوړه شوه.
د یاد ولايت د پوهنې رئیس د ملاتړو ادارو له همکاريو د مننې ترڅنګ، دپروګرامونو په پلي کولو کې يې د زياتې همغږۍ غوښتنه وکړه.
سمنګان
د سمنګان ولايت پوهنې رياست مسئولین وايي، د یو منظم پلان له مخې د پوهنې په برخه کې د ملاتړو بنسټونو په همکارۍ، د یاد ولايت د مرکز او ولسواليو پر ښوونځيو زرګونه درسي کتابونه ووېشل شول.
د یاد ولايت پوهنې رئیس الحاج مولوي نصرت الله فيضاني وويل: د دغو کتابونو په وېش سره د درسي کتابونو د کمښت له امله د زده کوونکو ٧٠ سلنه ستونزې حل شوې دي.
