په خوست ولایت کې د مدرسینو مسلکي پراختیا ۴۰ تنو غړو لپاره د وړتیا لوړولو سیمینار جوړ شو
د خوست ولایت پوهنې ریاست له لوري د یاد ولایت د مرکز او ولسوالیو د مدارسو ۴۰ تنو علمي غړو لپاره یو ورځنی روزنیز سیمینار جوړ شو.
د سیمینار په پیل کې د خوست ولایت پوهنې ریاست د اسلامي زدهکړو آمر ګډونوالو ته ښه راغلاست ووایه او ټینګار یې وکړ چې د سیمینار وړاندې شوې موضوعات دې په خپلو کاري ساحو او مدرسو کې په عملي ډول پلي کړي، ترڅو اداري چارې لا اغېزمنې او منظمې شي.
په دې سیمینار کې د بېلابېلو اداري او مسلکي موضوعاتو په اړه لکه د ۱۴۰۵ کال لپاره چمتووالی، د نوي تعلیمي کال پیل، د درسي او عملیاتي پلانونو ترتیب، د عملیاتي او کاري پلانونو راپور ورکول، اداري مکتوبونه، کلنی پلان او په مدارسو کې د تدریسي ساعتونو تنظیم په اړه بحث او د نظرونو تبادله وشوه.
