په پکتيکا ولايت کې د يو باب مدرسې د نوې ودانۍ چارې ۸۰ سلنه بشپړې شوې
د پکتیکا ولایت د پوهنې مسؤلینو په وینا، د یاد ولایت سروبي ولسوالۍ اړوند په شابدیني کلي کې د امدادالعلوم مدرسې د نوې ودانۍ چارې شاوخوا ۸۰ سلنه بشپړې شوې دي او ټاکل شوې چې په نیږدې راتلونکي کې د زده کوونکو لپاره ګټې اخیستنې ته وسپارل شي.
مدرسې د دغه نوې ودانۍ په جوړېدو ټولټال ۴۰۰ زره افغانۍ لګښت راغلی، چې دسروبي ولسوالۍ د پوهنې مينه والو له لوري ورکړل شوی دی.
د یادې مدرسې د ودانیزو چارو په بشپړېدو سره به شاوخوا ۱۳۵ تنو زده کوونکو ته د زده کړې خوندي چاپېریال برابر شي.
