په پکتیا ولایت کې د ۱۰ بابه ښوونځیو د جوړېدو چارې رسماً پیل شوې
د پوهنې وزارت سره په همغږۍ، د پکتیا ولایت په ۹ ولسوالیو کې د یو مرستندویه بنسټ له خوا چې له پوهنې سره مرسته کوي، ۱۰ بابه ښوونځي جوړېږي.
د یادو ښوونځيو د جوړېدلو لګښت شاوخوا ۱۹۶ میلیونه افغانۍ اټکل شوی دی.
د دغو پروژو د پيل په مراسمو کې د ياد ولایت په پوهنې رئیس مولوي عبدالقیوم فاروقي سربېره، د ولایت مقام مرستیال شیخ انعام الله صلاح الدین، د ولسواليو پوهنې آمرینو، د ښوونځيو ښوونکو، علماوو او استادانو هم حضور درلود.
مسؤلینو په خپلو خبرو کې د پوهنې په ارزښت خبرې وکړې او ډاډ یې ورکړ، دافغانستان .ا.ا. مشرتابه د پوهنې وزارت د ټولو هغو هڅو بشپړ ملاتړ کوي، چې په هېواد کې متوازن ښوونیز او روزنیز خدمات وړاندې کوي.
