د هلمند په يوه ښوونځي کې زده کوونکو ته لابراتوار پرانيستل شو
پوهنې وزارت، هلمند: د هلمند پوهنې ریاست له لوري د B2 1 ښوونځي ته د کیمیا، فزیک او بیولوژي مضمونونو د تجربو ترسره کولو په برخه کې لابراتوار پرانيستل شول.
د هلمند پوهنې رئیس محمد داؤد شاه صفاري د لابراتوار خونې د پرانيستي پر مهال وویل: د یاد لابراتوار لپاره د څلورم ټولګي څخه تر دولسم ټولګي پورې د تجربوي لارښود ۲۹۶ جلده کتابونه، او د کیمیا، فزیک او بیولوژي برخو کې ۲۱۲ بیلابیل لابراتواري توکي، د لابراتوار لپاره ۳ د ریاضي کیټونه او ۳ پایې د لابراتوار میزونه ورکړل شوي، چي زده کوونکي به وکولای شي له یادو امکاناتو څخه په ګټې اخيستنې سره، په ټاکل شویو برخو کې خپلې تجریې ترسره کړي.
د یادونې وړ ده، چې د هلمند پوهنې ریاست مشرتابه تل د غوره زده کړييزو چوپړتياو وړاندې کولو برخه کې نه ستړي کیدونکې هلې ځلې کړي دي.
