فراه کې د ښوونځیو زده کوونکو ترمینځ علمي سیالۍ تر سره شوه
پوهنې وزارت، فراه : فراه ولایت کې د ښوونځيو د منځنۍ دورې زده کوونکو ترمينځ د ( ساینس ځلانده ستورى) تر عنوان لاندې د ساینسي مضمونونو علمي سیالۍ تر سره شوه.
ياده آزموينه، چې د ښاري پوهنې آمريت لخوا په لاره اچول شوې وه، د ( ۹- ۷ ) ټولګیو ۲۲۶ زده کوونکو په کې ګډون کړى و.
د فراه پوهنې رئيس ښاغلي شيراني د یادې سيالۍ په پيل خوښي څرګنده کړه، او وې ويل،سالم رقابت، سالمه ټولنه رامينځته کوي او د ولسواليو د پوهنې چارواکو ته يې وويل، د پوهنې رياست تل د ولسواليو د پوهنې آمريتونو ته پاملرنه کړې او تل به يې ملاتړ وي، او د ولسواليو له آمريتونو غواړي چې د زده کوونکو د ذهني او فکري ودې لپاره ورته پروګرامونه جوړ کړي.
