د کابل له پوهنې ریاست څخه لنډ خبرونه

د پوهنې وزارت مشرتابه د اسلامي زده کړو معینیت تر څارنې لاندې ۱۸۷ زره افغانۍ د کابل ولایت د شکردرې ولسوالۍ د پوهنې آمریت ته وسپارلې، ترڅو دغه پیسې د دې ولسوالۍ د دیني مدارسو د زده کوونکو د ستونزو او اړتیاو د حل په موخه ووېشل شي.
 د دغه آمریت مسوولینو دیني مدارسو ته د پوهنې وزارت د مشرتابه له پاملرنې څخه مننه وکړه.

د يو بل خبر له مخې:
 د پورتنیو مرستو پر دوام د کابل ولایت د قرباغ ولسوالۍ د میاګل دیني مدرسې ته ۲۲۰۰۰ افغانۍ او د دې ولسوالۍ د ۱۶ نورو مدارسو لپاره ۱۷۰۰۰ افغانۍ مرسته وشوه.

همدارنګه:
 د کابل ولایت د سروبي ولسوالۍ د پوهنې آمر د همدې ولسوالۍ په شېرخان کڅ کې د دارالحناف خصوصي مدرسې د زده کوونکو د فراغت په مراسمو کې ګډون وکړ او فارغانو ته یې د مبارکۍ ترڅنګ وویل: د راتلونکي نسل په روزلو او اصلاح کې ستاسو رول مهم دی. ټولنه مهمه ده او تاسو باید د دې مسوولیت په ترسره کولو کې هڅه وکړئ." له خپل هیواد او خلکو سره صادق اوسئ.

په نورو خبرونو کې:
د پوهنې وزارت له لوري له دیني مدارسو سره د مرستو په لړ کې دا ځل د کابل ولایت د چهارآسیاب ولسوالۍ د پوهنې ریاست د مسوولینو په حضور کې د دې ولسوالۍ له دیني مدارسو سره ۶۸ زره افغانۍ مرسته وشوه. .

د یوه خبر له مخې:
 د کابل ولایت د قرباغ ولسوالۍ د پوهنې آمر د دې ولسوالۍ د خصوصي مدارسو له مسوولینو سره وکتل او له هغوی سره یې د پوهنې وزارت د اصولو او مقرراتو د مراعتولو او د ماشومانو د سالمې روزنې په برخه کې د ریښتنې خدمت په باب خبرې وکړې.