د میدان وردګ ولایت پوهنې ریاست خپل کلنی کاري راپور وړاندې کړ
د میدان وردګ ولایت پوهنې ریاست خپل کلنی کاري راپور له مسئولینو او خلکو سره شریک کړ.
د پوهنې ریاست په راپور کې راغلي: د یاد ریاست د تدریسي پروګرامونو او اداري چارو د لاښه والي په برخه کې د هڅو سربېره، په ۱۴۰۲لمریز کال کې یې ۴۷۵ نوي دیني مدارس او د سواد زده کړې ۶۷ کورسونه او یو شمېر ښوونځي تاسیس او رغولي دي.
یاد ریاست ټینګار کړی، چې د روان کال په ترڅ کې له پوهنې سره د همکارو بنسټونو په مرسته، د سیمه ییزو زده کړو ۴۰۰ ټولګي جوړ شوي او ۸۶۳ بستونه یې اړوندو ریاستونو او آمریتونو ته د ځانګړې سهمیې په بنسټ وېشلي دي.
دغه راز په هغو ښوونځیو کې چې د درسي خونو له کمښت سره مخ وې، ۱۱۷ خیمې وېشلي او نصب کړي دي.
د ميدان وردګ پوهنې رياست ليکلي، چې یاد رياست د ١٤٠٢ ښوونيز کال له پيله د قومي مخورو او ديني علماوو په همکارۍ، د همدې ولايت په ښوونځيو او مدارسو کې ١٢زره٩٤٣ تنه نوي زده کوونکي شامل کړي او هغوى ته يې د زده کړو آسانتیا وې برابرې کړې دي.
