په بدخشان ولایت کې د سويې د تثبيت آزموینه واخیستل شوه
د بدخشان ولایت پوهنې ریاست، د افغانستان.ا.ا. له شاوخوا ۳۴۰ تنو م.جاهدینو څخه د هغوی د سویې د تثبیت آزموینه واخیستله.
د بدخشان پوهنې رئيس مولوي محراب الدین اقبال ، د یاد رياست منسوبینو، يو شمېر استادانو او علماء کرامو د یادې آزموینې لړۍ له نیږدې ولیده او ګډون والو ته یې د پوره روڼتیا ډاډ ورکړ.
نوموړي د ج.هاد په دوره کې د دوى د دندو د ستاينې سربېره مسئولينو ته د عادلانه چلند سپارښتنه وکړه.
د يادونې وړ ده، چې د آزموينې د پايلو له ارزونې وروسته به نوماندان د خپلو زده کړو د دوام په موخه، د هغوی د سويې سره سم د ښوونځيو په یوولسم او دولسمو ټولګیو کې شامل شي.
په ورته مهال د آزموینې څو تنو ګډون والو د نورو په استازيتوب خبرې وکړې او د زده کړې د آسانتياوو د برابرولو په برخه کې يې د پوهنې وزارت د مشرتابه هلې ځلې وستايلې.
