د کونړ ولایت د مشرتابه له لوري د یاد ولایت پوهنې رئیس وستایل شو
د کونړ ولایت د پوهنې رئیس مولوي محب الله حیدري، د ښوونیز وضعیت د لاښه والي، د خیریه بنسټونو د مرستو جلبولو، له پاکستان څخه د راستانه شویو کډوالو ماشومانو لپاره د لازمو ښوونیزو آسانتیاوو د برابرولو او د یاد ولایت لیرې پرتو کلیوالو سیمو ته د ښوونځيو او مدارسو د پراختیا له امله، د یاد ولایت د مشرتابه له لوري د ستاینلیک په ورکولو سره وویاړل شو.
نوموړي په خپلو خبرو کې د کونړ ولایت د مشرتابه له لورې د ستاینې څخه د مننې ترڅنګ ژمنه وکړه، چې په یاد ولایت کې به د پوهنې د ودې او پراختیا په برخه کې خپلې هڅې لاپسې زیاتې کړي.
