په سرپل ولایت کې یو باب دیني مدرسه تاسيس شوه
د پوهنې وزارت له لوري، د سرپل ولایت په سوزمه قلعه ولسوالۍ کې "د بنات علامه ابن همام" په نوم د نجونو يو باب ديني مدرسه، د یاد ولایت د پوهنې مشرتابه، دیني علماوو، د سیمه ییزو ادارو مسئولینو او قومي مخورو په ګډون د یو لړ مراسمو په ترڅ کې تاسيس شوه.
د سرپل ولايت پوهنې رئيس مولوي محمد رحماني په اسلام کې د ښځو د حقونو په تړاو تفصيلي خبرې وکړې.
ورپسې څو تنو ديني علماوو د د يادې موضوع په تړاو د خبرو ترڅنګ، د پوهنې وزارت او د سرپل ولايت پوهنې رياست له پلانونو او پروګرامونو خپل ملاتړ اعلان کړ.
په پای کې د سرپل پوهنې رئيس له لوري "د بنات علامه ابن همام" ديني مدرسه د پټۍ په پرېکولو سره پرانيستل شوه.
مراسم د دعائيې په لوستلو سره پای ته ورسېدل.
