د پوهنې وزارت د سرپرست له خوا د شرعي تخریج کمېټې غړي وستایل شول

media-moe
پنجشنبه ۱۴۰۳/۳/۱۷ - ۱۲:۳۳
fsd

د افغانستان.ا.ا. د مشرتابه د عالي مقام د حکم له مخې، څه موده وړاندې د پوهنې وزارت د کیفیت تضمین معین الحاج مولوي عبدالخالق صادق په مشرۍ، د اړوندو مرکزي ادارو د یو شمېر رئیسانو په ګډون لس کسیزه د شرعي تخریج تخنیکي کمېټه جوړه شوه.

یادې کمېټې د خپل کاري پلان په بنسټ، د پوهنې وزارت یو شمېر قوانین، کړنلاره، لارښوونې او نور تقنیني سندونه د اسلام د سپېڅلي دین له نظره تر مفصلو او هر اړخیزو مسلکي بحثونو لاندې ونیول، چې په پایله کې یې دغې کمېټې د پوهنې قانون بشپړ کړ.

په ورته مهال د پوهنې وزارت د سرپرست الحاج مولوي حبیب الله آغا له لوري د شرعي تخریج کمېټې هغه غړي په تقدیرنامو وویاړل شول، کوم چې د یاد وزارت د يو شمېر قوانينو په ځانګړي ډول د پوهنې د قانون د بشپړولو په برخه کې یې د قدر وړ خدمتونه او هلې ځلې ترسره کړې دي.

په یادو مراسمو کې د پوهنې وزارت د کیفیت تضمین معین الحاج مولوي عبدالخالق صادق او د دغه وزارت د تقنین او پالیسي رئیس مولوي محمد اسحق حقیقي د تخریج کمېټې د غړو په استازیتوب، د پوهنې وزارت د مشرتابه له هڅو او ستاینې مننه وکړه او څرګنده یې کړه، ټول هغه پلانونه او دندې چې د وزارت د مشرتابه له لوري ورته سپارل کېږي، د خپلې مسلکي پوهې او وړتیا په کارولو سره به یې پلې کړي.

مراسم د دعائیې په لوستلو سره پای ته ورسېدل.

تازه خبرونه

یکشنبه ۱۴۰۴/۶/۹ - ۱۵:۵۳
Background image

په غزني ولایت کې د ۲ بابه ښوونځیو زده‌کوونکي د څښاک پاکو اوبو له اسانتیاوو برخمن شول

د غزني ولایت اندړو ولسوالۍ اړوند په پناه منځني ښوونځي او علي هجوري عالي لېسه کې، د ښوونځیو شوراګانو په همکارۍ د څښاک پاکو اوبو دوه څاګانې تر کیندلو وروسته ګټې اخیستنې ته وسپارل شوې.

د. . .

یکشنبه ۱۴۰۴/۶/۹ - ۱۵:۵۲
Background image

تطبیق امتحانات معیاری از سوی هیئت وزارت معارف در ولایت پروان

هیئتی ریاست ارزیابی نتایج و امتحانات معیاری وزارت معارف، به ولایت پروان سفر نموده و با مسئولین معارف آن ولایت دیدار و گفتگو نمود.

این هیأت قرار است در ۵۳ باب مکتب آن ولایت، امتحانات. . .

یکشنبه ۱۴۰۴/۶/۹ - ۱۵:۵۰
Background image

د پروان ولایت یوې لېسې ته درسي کتابونه توزېع شول

یوې خیریه ادارې چې د پوهنې سره کار کوي، د پروان ولایت سیدخېل ولسوالۍ اړوند د ظابط قاسم لېسې زده‌کوونکو ته د مختلفو مضامینو ۵۶۷ ټوکه درسي کتابونه ځانګړي کړل.

چارواکو په خپلو ویناوو کې. . .

BACK TO NEWS