د کابل ښار د يو شمېر مدارسو او ښوونځيو د سيرت النبي«صلی الله علیه وسلم» سياليو ممتاز زده کوونکي وستایل شول

د کابل ښار پوهنې رئیس قاري عبدالباسط حقاني په داسې حال کې چې د لسمې ښوونیزې ناحیې آمر، مدیرانو، استادانو، علماء کرامو او د زده کوونکو والدینو هم حضور درلود، د یادې ناحیې د مدارسو او ښوونځیو د څلورم تر دولسم ټولګي د سیرت النبي «صلی الله علیه وسلم» سیالیو ممتاز زده کوونکي وستایل.

په پیل کې د پوهنې رئیس د بشریت د ستر لارښود حضرت محمد «صلی الله علیه وسلم» ښو اخلاقو، سلوک او نېکو کړنو ته په اشارې سره ځوانانو ته لارښوونه وکړه، چې د ګران پیغمبر «صلی الله علیه وسلم» تګلاره تعقیب او په خپل ژوند کې یې پلې کړي.

په پای کې ۴۰ تنه ممتاز زده کوونکي چې په یادو سیالیو کې یې غوره نمرې ترلاسه کړې وې، د کابل ښار پوهنې ریاست د رهبرۍ له خوا په ډالیو وویاړل شول.