د ولایتونو له پوهنې ډګره څو خبرونه
- پکتیکا
د پکتیکا ولایت وازیخوا ولسوالۍ په اړوندو کې د ګودلو لومړني ښوونځي لپاره د ۵۰ زره افغانیو په لګښت د احاطوي دېوال او د څښاک پاکو اوبو سیسټم غځولو چارې د ځایي خلکو په مالي مرسته پلې شوې.
- لوګر
د کابل نوبل سوداګریز شرکت لخوا د لوګر ولایت په مرکز پل علم ښار کې د حاجي ګلون ښوونځي ته د ۲۵ زره افغانیو په لګښت اداري سامانونه، مېزونه او څوکۍ ورکړل شوې.
- ننګرهار
د ننګرهار ولایت اچین ولسوالۍ د دوو تنو علم پروره اوسېدونکو لخوا د ۱۴ زره افغانیو مالي مرسته د شهید ګل اصغر عالي لېسې ته ورکړل شوې ده، چې د ښوونځي په اداري او تخنیکي څانګو کې ولګول شوه.
