په کونړ ولایت کې د زلزلهځپلو په پنډغالو کې موقتي ښوونځي او مدارس تاسیس شول
د کونړ ولایت پوهنې ریاست د وروستیو زلزلو له امله د زیانمنو شویو ماشومانو د زدهکړو دوام او د تعلیمي بهیر د ګډوډۍ مخنیوي په موخه، د نورګل، څوکۍ او خاص کونړ ولسوالیو اړوند د زلزله ځپلو په پنډغالو کې ۷۲ بابه موقتي درسي ټولګي (خېمې) جوړې او فعالې کړې دي، ترڅو د دغو سیمو زدهکوونکي وکولای شي خپلو زدهکړو ته دوام ورکړي.
د یادو ټولګیو د درسي فعالیت له پیلېدو سره هممهاله، یو خیریه بنسټ د زدهکوونکو او طلابو لپاره قرطاسیه، کتابچې، قلمونه او نور اړین درسي توکي هم برابر کړي دي، چې د یادو ټولګیو د پرانیستې مراسمو پر مهال د کونړ ولایت پوهنې محترم ریاست ته وسپارل شول.
