د لوګر ولایت د یو شمېر ښوونځیو د زدهکوونکو ترمنځ علمي سیالۍ پیل شوې
"د زدهکوونکو د نوښتونو او اختراعګانو پېژندلو لپاره د ساینس او ریاضي اولمپیاډ پروژې" تر سرلیک لاندې علمي سیالۍ د لوګر ولایت په مرکز او شپږو ولسوالیو کې پیلېږي.
یادې سیالۍ د پوهنې وزارت د ساینس مرکز ریاست لخوا د زدهکوونکو له لوري د جوړ شويو وسایلو او اختراعاتو پېژندلو او د هغوی د لا هڅولو په موخه تنظیم شوي دي.
په دې سیالیو کې د لوګر ولایت د ښوونځیو د نهم څخه تر دولسم ټولګي پورې شاوخوا لس زره زدهکوونکو برخه اخیستې ده، هغوی خپل اختراع شوي وسایل د پوهنې چارواکو ته معرفي کوي، چې غوره شوې اختراع ګانې د کمېټې لخوا تر ټاکنې وروسته د نندارې لپاره مرکز ته لیږدولو کېږي.
