د پوهنې وزارت د دعوت او ارشاد محترم رئیس بادغیس ولایت ته رسمي سفر وکړ
د پوهنې وزارت د دعوت او ارشاد د رئیس محترم الحاج مولوي جمعه خان "سروري" په مشرۍ پلاوي بادغیس ولایت ته رسمي سفر وکړ.
پلاوي د خپل سفر اساسي موخه د پوهنې له چارواکو سره لیدنه او د دعوت او ارشاد په برخه کې د اسلامي ا.مارت د عالیقدر مشرتابه د لارښوونو د پلي کولو بیاکتنه وبلله.
د یاد سفر په لړ کې، د بادغیس پوهنې ریاست د کنفرانسونو په تالار کې د پوهنې رئیس، د پروګرامونو آمرینو، مرکزي کارکوونکو، د مدارسو او ښوونځیو مدیرانو په ګډون یوه لارښود غونډه ترسره شوه.
په ورته مهال، د یاد لایت پوهنې رئیس محترم الحاج مولوي محب الله "احسان" مېلمه پلاوي ته ښه راغلاست ووایه او د پوهنې وزارت د دعوت او ارشاد پروګرامونه یې خورا اغېزمن او د اسلامي او تعلیمي ارزښتونو په پیاوړتیا کې مهم وبلل.
نوموړي په ښوونځیو کې د دعوت او ارشاد نصاب د منظم تطبیق ډاډ هم ورکړ.
همدارنګه د پوهنې وزارت د دعوت او ارشاد محترم رئیس وینا وکړه او د خپل سفر موخه یې د دعوت او ارشاد او پوهنې ریاست ترمنځ د همغږۍ پیاوړتیا او د اسلامي ا.مارت د عالیقدر مشرتابه د لارښوونو پلي کولو بیاکتنه وبلله.
نوموړي په خپله وینا کې د افغانستان د مسلمان ملت د جهاد تاریخ، د اسلامي نظام تاسیس لپاره د م.جاهدینو قربانیو او د پوهنې چارواکو ارزښتناکو مسئولیتونو ته اشاره وکړه.
هغه د پوهنې له ټولو چارواکو وغوښتل چې د الهي احکامو د پلي کولو، د نبوي سنتو د تعقیب او د اسلامي ا.مارت د عالیقدر مشرتابه د لارښوونو پلي کولو لپاره هر ډول هڅې وکړي او د دعوت او ارشاد په ورځنيو درسونو کې چې د یاد ریاست د امام لخوا تدریسیږي، په فعاله توګه برخه واخلي.
