د پوهنې محترم وزیر، د کابل ښار لسمې ښوونیزې حوزې په اړوندو ښوونځیو کې له معیاري ازموینو څخه څارنه وکړه
د پوهنې وزیر محترم الحاج مولوي حبیبالله آغا، د کابل ښار په اماني عالي لېسه کې د لسمې ښوونیزې حوزې اړوندو ښوونځيو له معیاري ازموینې څخه لیدنه او څارنه وکړه.
د پوهنې محترم وزیر له یادې ازموینې څخه د څارنې پرمهال وویل چې، له دغې پروسې اساسي موخه د روڼتیا تامینول، درسي کیفیت لوړول او د ازموینو معیاري کول دي.
همدارنګه نوموړي زیاته کړه، هڅه کوو ترڅو په راتلونکو ۵ کلونو کې دغه بهیر د هېواد ټولو ولایتونو ته هم وغځوو.
د یادونې وړ ده، چې پورته ذکر شوې ازموینې، د اسلامي ښوونې او روزنې، ژبې، کیمیا او ریاضیاتو په مضمونونو کې پلې کېږي او له پلان سره سم به د کابل ښار په ۱۶ ګونو ښوونیزو حوزو او ۳۰ محلونو کې د امارتي او خصوصي ښوونځیو د لسمو ټولګیو له (۴۱۸۲۲ تنه) زدهکوونکو څخه واخیستل شي.
