د فاریاب ولایت پوهنې ریاست لخوا د نویو ګمارل شویو کارکوونکو لپاره د وړتیا لوړولو ورکشاپ دایر شو
د اداري ظرفیت لوړولو، د اسنادو د ذخیرهکولو مېتودونو، اداري اسنادو ثبت او ساتلو طریقو، مکاتیبو او نورو مراسلاتو په نوم پنځه ورځنی روزنیز ورکشاپ، د فاریاب ولایت پوهنې ریاست اړوندو ۵۰ تنو تازه ګمارل شویو آمرینو او اجرائیوي مدیرانو لپاره ترسره شو.
په پیل کې د پوهنې ریاست چارواکو د روزنیزو پروګرامونو تنظیمولو اهمیت په اړه خبرې وکړې او د دغه شان پروګرامونو پلي کول یې د ملکي خدماتي کارکوونکو، په ځانګړې توګه نویو ټاکل شويو کارکوونکو وړتیا لوړولو او پیاوړتیا کې اغېزمن وباله.
ورپسې د دعوت او ارشاد مسئول د امربالمعروف د قانون تطبیق او نورو اړوندو مسایلو په اړه خبرې وکړې او ټینګار یې وکړ چې منسوبین باید خپل صورت او سیرت د رسول الله «صلی الله علیه وسلم» په سنتو برابر کړي.
